「屯門系列」BYOB Coffee Roaster 虹橋舒適cafe優質咖啡

本來已經揸車到左龍門居，

但係原來下午係冇乜野岩我食，

行左個圈我就心血來潮同老闆講，

不如我地去虹橋搵食？

咁我地就又跳上車出發，

跟住又諗起我地上次行過但係冇入到去ga 一間野，

門面望落去都好大間下，

推門入去咁岩要等一張檯，

就坐左響左手邊等位區，

等時冇野做四圍望，

發現牆上面掛左好多咖啡師證書 ，

檯與檯之間都有好多空間好闊落好有空間感。

有位坐底之後餐牌好簡單，

豬手，沙律，意粉，咖啡，茶，

今次我地試下意粉

北海道帆立貝明太子意粉
呢個係我食ga，
賣相覺得好靚有驚喜，
食落味道都有驚喜，
好creamy，
明太子好充足，每一啖都係可以食到濃濃明太子味道。
帆立貝煎到外脆內軟有牛油香味。
真心好食。

大蝦寬條麵
呢個係我老闆食，
面頭三隻蝦煎得好靚，
食落香牛油味，唔會煎過龍，
作為蝦精ga佢都覺得好正好好食。
麵都係充滿醬汁，
連佢都食得好開心。

咖啡我叫左long back。
識得欣賞ga自己會覺得好飲XD。

後記:
開頭諗住一試心態，
估唔到係有驚喜，
食物真心覺得煮得好食，足料。