一喜‧燒肉 屯門

 本來打算同老闆去食個車仔麵頂下肚就算

點知佢原來心心念念想烤肉又唔出聲

要人地估一大餐先至講

咁食烤肉就梗係食任食啦

叫定食一碟邊度夠喉

但係又唔想食到成千蚊落樓

就諗起一年前曾經黎過呢間燒肉食下午茶放題當時係$178 

不過我地黎到都晚飯時間

所以都預左$300 左右一個人頭

去到門口望下 發現佢有款肉做特價放題

晚市快閃:封門柳放題

$208

就呢個啦

其實唔係淨係封門柳可能食GA

重有另外三款牛

同豬,雞可能燒

不過封門柳就最有牛味

根據經理同我地吹水時講

全隻牛只有一條，緊貼着橫膈膜，此肉與內臟較接近，脂肪不多但肉味濃

所以呢個特價烤肉PLAN係好抵食架,咁

佢黎食幾款一齊上

唔知邊隻打邊隻

最後我地試左每款叫一次就知道個分別

真係封門柳最有牛味一食就食得出

呢個關東煮都可以一試

有小小炸物同埋湯同埋蔬菜可以自取

我最鐘意呢間佢好多沙律同生菜

我最常用黎配肉食

夾小小泡菜黎食又有另一番風味

飲品選擇都足夠

重有低咖啡因冷萃咖啡呢個好飲

雪糕就係基本款式冇特別去試

我地兩個人埋單,加埋一,都只係$500 

爽歪歪

重平過打邊爐

最緊要任食冇煩惱唔洗就黎就去

如果冇要求想再平d佢個下午茶優惠都依然響度

重要下午兩點食到五點添

我老闆又依依哦哦

話早知早d起身啦

咁下次再黎啦

殿。大喜屋 旺角帝京酒店

 每年生日都會同同一位朋友過

每年都係會食人頭一千左右GA 自助餐

但係今年我地兩位都出左小小經濟問題

所以想平平地食但係又唔想質數太差

所以揀左大喜屋新分店

我重賴醒一早就BOOK左

點知排隊去到原來我重BOOK 錯左日子

所以我地變左要行埋一邊等WALK IN 位

好在我地係食頭場同埋新分店夠大間所以等條隊消耗完就入場

不過唔開心GA 唔知是咪WALK IN 關係

佢比左張勁細GA 檯我

係本來四人檯但係將佢拉開少少一分為二果種

其中個場入面重有好多吉檯丫.....做咩要屈就個客

其他都係一貫高汁

今次食得最多反而唔係刺身

反而係雪糕

因為佢榴槤蓉係任拎

我地拎左好多黎配雪糕食

勁開心

殿大喜屋食物種類超多

跟本一次都食唔晒

重點講下必試

鱘魚醬加上麵包或餅乾都好味

呢個鱒紅魚都係必試

日本餐廳都唔平

絕對係回本作品

我地得兩個人所以刺身只係叫左唔多

質素都係依然咁好

今次最出色反而係吞拿魚

其次係帶子刺身

蟹腳都係朋友拆埋比我食

超幸福

蟹腳都唔太咸有鮮味

其他熟食,甜品,雪糕種類已經直迫酒店自助餐

跟本食一次係食唔晒

我地已經諗定下次再幾時黎食

哈哈

最後我地係又出錢又出命捧住個肚去左行街消化下先至敢搭車返屋企

今次佢創作料理方面好值得全部都試

每款都係回本作同好味道

最欣賞係水果飲品甜品種類超多

完全係反轉頭再食GA原因

新店地方乾淨原因鋪位就係多年酒店自助餐餐廳

樓底高地方寬敞裝修豪華

不過就係今次我坐位安排唔係太好

希望二人檯唔好太細張

我地食野要搬來搬去

黎左GA食物又要趕住塞落口先有位擺

希望下次有改善啦

麥當勞McGriddles 終於黎到香港喇!

 個包未出試食已經出現左鋪天蓋地GA宣傳

由細到大麥當勞廣告方面投放真係頭一二位

最後本來冇打算去迫GA 我因為吃貨同事GA邀請

所以佢就幫我買埋

點知一落單同事諗住開開心心就由鋪頭行去拎早餐啦

佢出左門口5分鐘之後WHATSAPP 我

要等成一百張單

我??????

一百張單?邊度黎咁多人食M記呀???????唔係麻

我地張單個號碼係 #628 號

以我平時叫呢間麥當勞早餐最多都係百零號

依家足足多左成六倍人叫早餐

同事未問就已經聽到職員大叫McGriddles 

需要等一個鐘頭!!!!!!!!!!!!!!!!!!!!!!!

同事問我點算好

咁梗係聽佢講啦

我地叫早餐果時其實已經10點鐘

等左一個鐘11點

我就一齊出發去拎包

人流都係未減小過

入到M記聽到ga 係

蛋同豬柳都冇晒貨要再等耐d

.......

故仔講完終於拎到個包

我本來想就地食左佢

最後都係返左公司先慢慢嘆

其實我係未去日本食過

打開個包因為新鮮整好熱辣辣

熱力令地楓糖味更出眾

一啖咬落去感受到次序係

濕潤軟綿鬆餅

接住係楓糖甜香

彈牙雞蛋中和左口香甜

咀嚼之後豬柳咸中帶小辣

感覺好新鮮

年紀大左開始鍾意食d 濕潤ga 野

其實我打呢編已經係佢第三日賣晒

公佈正式於8月5日上市之後

好開心之後又有多一個選擇

我自己排一百單第二日都食左兩次呀,哈哈

極尚大喜屋旺角雅蘭

極尚大喜屋 旺角雅蘭 

好少可會自己一個出省城

自從搬左去屯門之後少左好多外出

但係區內又冇好質素放題

所以就唯有出市區食

大喜屋以前多數都會特登出去尖沙咀食順便行下街

因應食放題出錢又出命之後總係要散下步消食

不過疫情之後好多地方鋪頭都吉晒尖咀已經冇乜特別好行

咁轉而黎左旺角食

反正屋苑樓下就有巴士可以直接出到黎大約一個鐘左右

不過去到雅蘭就一頭煙

原來3同4樓係有專用電梯上響大門口左手邊

但係入口係冇好明顯ga指示

要差唔多去到電梯口先見到大大隻大喜屋廣告

終於都上到去

但係行入去味道好大感覺唔多清潔

飲品 雪糕款式出名多

食物質素都係咁多年保持到

真係開心

呢間重有厚厚鵝肝食

本來我地都好開心

不過一試食落去係冇乜味好似唔知食左d乜野入口咁

最爽都係狂食刺身

但係漏單都好多下刺落左兩之都冇反應

要叫職員去追

不過值得一讚係一位叔叔型職員佢態度好好

因為放題真係好忙職員心情都係會欠佳

明白的

但係位職員態度令我感覺好好有禮

Btw 作戰左兩個鐘

捧住個肚走了

食放題不二之選

元朗爆辣冷麵 已出

 元朗爆辣冷麵 

由佢響又新街一路想試

拖拖下拖到佢搬埋今日先有機會試到

佢依家搬左個位其實好方便

正正就係千色旁邊行去公園仔果條行

之前佢響又新街要上樓梯好少會特登去

自從冇左新B 之後就更加少左去又新街

響金輝徑按摩完就行過去買返上車食

去到老闆完來是位長髮哥仔

完全是有rock 的味道果種

亦都有好多公仔漫畫去裝飾門面

我棟左響人地門口腦交戰左一大餐食咩好

蟹籽冷麵係一定要食架啦

哥仔好親切地一問多句加咩餸啊？

我又再空白左ER.....

然後就淨係加左我老闆鐘意食ga 蟹柳

算唔算另類親子當啊。。。？

我冇特別計時，應該係等左個五分鐘左右就出餐

因為當時得我一個好快手

掃完一堆野當然係跳返上車開餐

鋪滿一個面ga 蟹籽視覺上真係好好

冷麵係平時食果隻10蚊三包撈麵味道

又係回憶殺啊！

我好耐冇食呢種撈撈麵喇

因為儲存問題冷麵好多時就咁望落去都唔太乾淨

加上人大左好小會無啦啦響街食呢d小食

我估我對上果次已經有幾年前

響合益商場(唔係廣場)，係好多南亞人果個

樓梯果間撈撈麵店

呢個醬料都落得岩岩好

好好味

我一路過一定會黎叫一個拎走爽

鍋霸 足料材料好的優質台式火鍋

鍋霸

首先多謝我寶貝老友帶我黎食呀！！

香港都可以食到好湯底ga 台灣火鍋

由於我地好早就去開餐

位置都可以任揀

我地就坐左響窗邊可以望到彌敦道景觀

爭扎一陣終於決定到個湯底喇

因為個個望落去都好正好想試

我地揀左花膠雞養生鍋

店員一擺底個煲如果換轉響屋企

應該係用黎直接飲果種養生湯

連花膠都有大大塊的三四塊

望到都已經覺得好滋潤呀 

同埋煲上的雞肉係生ga

唔係預先滾好晒果種速食打邊爐的質地

試一啖湯最後我係試左一碗湯。。。

雞肉亦都好滑

我係咪其實是食緊雞煲啊

我地落單食物黎喇

擺到靚靚咁影返張相開餐

就咁望落去豬肉真係好似牛肉咁

好靚呀 質地食落去柔軟有肉味

其他丸同海鮮都係好好

最欣賞佢招牌炸魚皮居然係有shake shake 袋

重有四隻台灣風味粉我地試添

好滿足肚皮，亦都好滿足味蕾ga 一餐呀！