元朗爆辣冷麵
由佢響又新街一路想試
拖拖下拖到佢搬埋今日先有機會試到
佢依家搬左個位其實好方便
正正就係千色旁邊行去公園仔果條行
之前佢響又新街要上樓梯好少會特登去
自從冇左新B 之後就更加少左去又新街
響金輝徑按摩完就行過去買返上車食
去到老闆完來是位長髮哥仔
完全是有rock 的味道果種
亦都有好多公仔漫畫去裝飾門面
我棟左響人地門口腦交戰左一大餐食咩好
蟹籽冷麵係一定要食架啦
哥仔好親切地一問多句加咩餸啊？
我又再空白左ER.....
然後就淨係加左我老闆鐘意食ga 蟹柳
算唔算另類親子當啊。。。？
我冇特別計時，應該係等左個五分鐘左右就出餐
因為當時得我一個好快手
掃完一堆野當然係跳返上車開餐
鋪滿一個面ga 蟹籽視覺上真係好好
冷麵係平時食果隻10蚊三包撈麵味道
又係回憶殺啊！
我好耐冇食呢種撈撈麵喇
因為儲存問題冷麵好多時就咁望落去都唔太乾淨
加上人大左好小會無啦啦響街食呢d小食
我估我對上果次已經有幾年前
響合益商場(唔係廣場)，係好多南亞人果個
樓梯果間撈撈麵店
呢個醬料都落得岩岩好
好好味
我一路過一定會黎叫一個拎走爽
首先多謝我寶貝老友帶我黎食呀！！
香港都可以食到好湯底ga 台灣火鍋
由於我地好早就去開餐
位置都可以任揀
我地就坐左響窗邊可以望到彌敦道景觀
爭扎一陣終於決定到個湯底喇
因為個個望落去都好正好想試
我地揀左花膠雞養生鍋
店員一擺底個煲如果換轉響屋企
應該係用黎直接飲果種養生湯
連花膠都有大大塊的三四塊
望到都已經覺得好滋潤呀
同埋煲上的雞肉係生ga
唔係預先滾好晒果種速食打邊爐的質地
試一啖湯最後我係試左一碗湯。。。
雞肉亦都好滑
我係咪其實是食緊雞煲啊
我地落單食物黎喇
擺到靚靚咁影返張相開餐
就咁望落去豬肉真係好似牛肉咁
好靚呀 質地食落去柔軟有肉味
其他丸同海鮮都係好好
最欣賞佢招牌炸魚皮居然係有shake shake 袋
重有四隻台灣風味粉我地試添
好滿足肚皮，亦都好滿足味蕾ga 一餐呀！
真係太耐冇食喇
其實我本來以為執晒，
耐到已經係依稀記得響旺角現時點果一間
我每次都係食白咖喱醋扒飯，
今次我都唔例外，
依家好多餐廳都已經係轉晒用QR Code自己落單
可以方便客人知道有重有D 咩額外野可以加
同埋加野食要額外加幾多錢
我今次就額外加左一個 濃蝦湯
係濃郁蝦湯 唔係 龍蝦湯 唔好搞錯
天氣熱飲返杯凍檸茶
落單好快就上左杯野飲
然後係湯黎先
上面靚靚咁劃左一圈忌廉
攪勻後一拎起感覺到個湯係非常厚身
如果下次黎食我都會再叫
飲到半路就飯來了
以前係分開一個長形頭尾都係尖ga 細碟
裝住勁大一碟飯
依家變左碟頭飯插支兒童餐旗仔
依落比以前係有少少唔同左味
好似係冇咁忌廉
不過我今次食的事回憶所以食得好開心
食食下突然有印象係沙嗲王以前成日搞合作
印象中最後果次食係同Monster Hunter 合作
因為餐牌會有大回復藥，鬼人藥
果時個樽係會比你拎埋走
其實我果時d想要個樽，哈哈
填飽個肚差唔多埋單前就dl 左個apps 拎埋個新人$5 現金卷
以前都成日會派細細張現金卷
如果返娘家話唔定會搵到
不過埋單就覺得有d貴
一個人食$80落樓，因為有加一
我重要扣埋現金卷
令人有D卻步
本來我重想試下佢其他野
可能又會隔好耐先再幫襯lu
今次姐吃的是回憶中的味道同感覺
。
